خلو ا بالكم من بللدكم
متابعة خميس اسماعيل
بنقطه ومن أول السطر ………
قبل ما تفتح تليفونك او تشغل الداتا او الواى فاى .
قعدت مع نفسك وفكرت انت داخل تعمل هنا إيه
داخل تقول كلمة حق و تفيد و تخدم الناس و بلدك
و لا داخل تضحك ع الناس و تبيع الوهم
و لا داخل تشتم فى خلق الله و تركز فى تعليقاتهم
و ردود افعالهم و تدلس الحقائق و تتهم الناس بالباطل
و لا داخل تتجسس و تركز فى كل كلمة و كل حرف و بس
قبل اى حاجه اسأل نفسك انت هنا ليه
هنا عشان بلدك .. و لا عشان تخرج اللى جواك من كره وحقد ..
و لا داخل تضيع وقت
و تقول اى كلام وتروج للاشعات وتلغى عقلك
كلامى هنا ثابت
و مش بيتغير ولا هيتغير
كلامى ومواقفي ثابته عمرى ما سعيت لتفاعل او لمة كدابة زائفة .
ولا بدور على منصب
بيقولوا مطبلاتية وده شرف لاى انسان انه يطبل لبلده وجيشها .
لاتغير موقفي ولا خدت في نفسي مقلب مهما كان المدح ..
بوصلتى مصر و جيشها
و الرئيس السيسى اللى شال روحه على كفه عشان البلد دى تعدى
يعز عليا جدا إن فى قلة من المحسوبين تأييدهم للبلد والرئيس
مش عارفين يتعاملوا مع الحالات اللى بنقابلها كل يوم وبعد كل اللى بنقوله من سنين وبنحظرة منه باستمرار
ويحسسك انه فاهم و مقتنع وتفاجئ بتعليق يضيع كل مجهود السنين .
وده يرجعنى للسؤال
كل واحد داخل هنا سأل نفسه هو داخل يعمل ايه وهيفيد ويستفيد بإيه
ولا داخل يضيع وقت وخلاص
خلوا بالكم من بلدكم هى الاهم وبلاش تسمعوا للي كارهين ان مصر تتقدم
